No de vourtschbinn van lear, universitet ont kultur asesor Mirko Bisesti ist kemmen u’ganommen as de zboa van heibeger va de provinzal Junta, de ausrot ver za gem s gèlt as pfalt hòt en de zuazoln as tschrim gaben sai’ asn vourdokument ver de Universitet va Trea’t ont ver de Provinz ver de òrbetn as kearn en peada de omtn. De zuazoln as sai’ ver an total va 249.000 euro kearn en de òrbetn as tschrim sai’ as de mosnemm. U’nemmen de virm ver za leing au de zinsnrate as kemmen praucht va de omtn va de provinz ont va de Pònk van Trentin; projektn va suach ver de virm za prauchen s bòsser; mòchen an manual ver de stòttkearket u’lear van sprochminderhaitn ver de kinder as gea’ en de earste schual ont en de mittlschual: de doin sai’ de drai òrbetn as vernaiern de zuazoln as kearn en de Universitet va Trea’t.

De earste òrbet zommkeart pet en Dipartiment va Birtschòft ont Management, dritte saite bou as men vrok ver en giltemòchen van vurm as kimmp praucht ver de zinsrate as kemmen praucht va de provinzaln strukturn ver za vourtschbinnen de òrbetn ver za gem paitrong ont en de Cassa van Trentin ver de zuazoln.

De zbaite òrbet zommkeart en Dipartiment va Zivil ingegneria, umbèlt ont Mekaniker as zòmmhelven mit en Dinst Provinzal ver en Bòsser Pahalter ont ver de Energi (APRIE) en sektor van prauchen s bòsser pahalter. S ist kemmen zuaganòmmen ver en projekt der Dipartiment ver en Birtschòft ont Management aa ver en enviregea' pet de suach, der zil ist der sèll za enviretrong ont vernaiern der gònze energetischer sistem, de regiar van bòsser pahalter van Trentin ont schaung za gem s meareste as men mu en de lander pet òrbetn pet de pestn strategie as scheltn kemmen gamòcht turch s zòmmòrbet ont s bòcksn van lokaln bisschòftn ont van mentschn kapital. De APRIE bart meing vrong de hilf a livell va bisschòft ont van vurm ver za òrbetn ver za austoaln en peste vurm van groasn bòsserlaitungen.

De dritte òrbet ist kemmen enviretrong van Dinst van Sprochminderhaitn ont europeische audit zòmm pet de mitòrbet va de Universitat va Rechtbissenschòft ont s ist sèll za mòchen a puach as de sprochminderhaitn za gem en de zboateschualn va zboate grad ver de stòttkearket u’lear.

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)