’Z soinz 34.800 € boda di Provìntz hatt gelekk auzohalta edukatìf prodjèkte boda innhaltn drai djar, pinn zil zo macha didaktik gert zo macha khennen di kultùr von ekhar un bia zo maga vürgian pittnar låntschafft boma mage auhaltn un pittnan lem mearar gesunt. Dise edukatìf prodjèkte mang khemmen inngètt von untar, mittl un obar schualn, saiz provintziàl saiz glaichege, auz baz di sèlln boda sa soin drå vürzovüara an prodjèkt asó nå. Di vorsch zo maga håm in schütz mochan khemmen inngètt von schualn, durch in sistèm PiTre vor atz 13 von bimmat 2021 in Dianst vor di schualn – progråmm un organisatziong Åmt.

Nå in sèll boda auzmacht daz provintziàl gesetz n. 2 von 2018 di Provìntz vo Tria bill auhaltn un vürvüarn di didaktik gert azpe plètz boma mage lirnen arbatn leganteda di hent sèlbart azpe in a bèrkhstatt. Pinn provedimént vo haüt da provintziàl Djunta hatt vürgelekk an schütz pitt gèlt vor di schualn boda bartn, nå in an garadegen progråmm, inngem prodjèkte vor ditza.
Disa initziatìf, boda vürgeat sidar ’z djar 2018 hatt geholft, sin haüt, auzolega 84 prodjèkte, in sovl schualn saiz untar, saiz mittl schualn. Vo haür vort bartnda mang inngem soine edukatìf prodjèkte di obarschualn o.
Dar vorsch zo haba in schütz bart mochan khemmen inngètt pitt soin formulàr boda iz khent boroatet un boma mage vennen afte wwebsait www.vivoscuola.it .

Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)