En lunesc ai 10 de jené l president de la Provinzia autonoma de Trent Maurizio Fugatti, l à sotscrit l ordinanza en cont del trasport publich local e la zertificazions covid. N provediment che ge va do a chel che l é stat anunzià en sabeda e che vegn metù dant do che l minister de la sanità à sotscrit l ordinanza che dèsc l met, enscin ai 10 de firé, de durèr i mesi de trasport publich per rejons de sanità che se pel zertèr e per jir a scola da man di bec dai 12 egn en sù, con mèscra de protezion Ffp2 e zertificazion verda scempia.
“Zacan l Goern l à dat na responeta a la sacotanta domanes che tant Trent che Busan aea portà dant en cont di trasporc de scola”, l à dit l president de la Provinzia Maurizio Fugatti. “La comunicazion ministerièla l’à deschiarì che la situazion per l trasport de scola no mudarà enscin ai 10 de firé, la regoles resta cheles jà en esser dant de Nadèl. I studenc i podarà se emprevaler de la corieres de scola, aboncont ge vel – l disc avisa l president – che dant dai 16 de jené i abie la prenotazion per se fèr l vazin anticovid, enveze dai 10 de firé inant i cognarà se vazinèr”.

Intervista al president Fugatti: https://youtu.be/QR0yavBMEvk

Chiò enjontà l ordinanza del president Fugatti.

Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)