Comunicato stampa
-
Pubblicato il
Martedì, 26 Marzo 2024
-
Modificato il
Martedì, 26 Marzo 2024
[Mòcheno] Ver za schaung abia as de stoa’ ont s holz praucht sai’ kemmen za paun de haiser ont de hittn a vòrt, drinn en a rai va mearer studien, untersuachen ont aussuachen ver za derkennen de sèlln as sai’ de elementn van paun van a vòrt as de Alpn, en vouder vraita sai’ gaben af pasuach ka de bersntoler gamoa’schòft de studentn va de Hoa Pildung van Institut ENAIP va Villazzano.
Der pasuach, gabellt va TSM|Step – Schual ver de Regiar van Grunt ont van Lònt abia toal van Bando PNRR Borghi en Palai en Bersntol, hòt se augatu’ pet a roas za vuass en hoa toal van Bersntol ver za vertiaven der prauch van elementn ont van sistemen van paun as gamòcht sai’ kemmen ver de haiser ont de hittn ka de bersntoler gamoa’schòft, as schoa’ studiart sai’ kemmen pet de teori za schual.
Der grupp, as mitgahòp hòt ont pfiart kemmen ist van Leo Toller van Bersntoler Kulturinstitut, va de Elisa Iachelini ont van Cesare Benedetti tutor van kurs, hòt pasuacht de heff Jorger ont Batister ont ist anau gòngen kan an ettlena hittn as en Jergereck ont as en Scheller. Nomitto der pasuach ist baiter gòngen kan Filzerhof, de musealsezion van Bersntoler Kulturinstitut pet de Claudia Marchesoni.